Plantun de Prouvènço

Pèr coumpara dos planto d'encò nostre

Glaucium corniculatum & Rumex pulcher subsp. woodsii

Glaucium corniculatum

Papaveraceae

Noms en français : Glaucienne écarlate, Pavot cornu.

Descripcioun :
Vaqui uno planto di flour roujo, cousino de l'erbo-di-faiòu di flour jauno, que se vèi pu gaire ; fai partido dis espèci amenaçado. Coume l'avèn di sèmblo proun à Glaucium flavum, fai de flour roujo, un pau mai pichoto e que duron pas gaire. I'a pas pèr s'engana. Se d'asard la vesès, pensas d'acampa quàuqui grano pèr li samena dins de mémi relarg. Davans, sus la fotò, se vèi l'erbo-uvernino.

Usanço :
Bessai que, coume sa cousino, lou la que s'escoulo à la coupo pòu servi contro li berrugo.

Port : Erbo
Taio : 15 à 40 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Glaucium
Famiho : Papaveraceae

Ordre : Ranunculales

Coulour de la flour : Roujo
Petalo : 5
Ø (o loungour) flour : 2,5 à 3,5 cm
Flourido : Printèms - Estiéu

Sòu : Ca
Autour basso e auto : 0 à 400 m
Aparado : Vo
Abriéu à óutobre

Liò : Ermas - Coustiero sablouso - Coustiero marlouso
Estànci : Termoumediterran à Mesoumediterran
Couroulougi : Eurimediterrano
Ref. sc. : Glaucium corniculatum (L.) Rudolph, 1781

Lapas

Rumex pulcher subsp. woodsii

Polygonaceae

Àutri noum : Erbo-de-lapas, Rovinèu, Pichoun-lapas, Panadello, Paradello.

Noms en français : Patience divariquée, Oseille gracieuse.

Descripcioun :
La subsp. woodsii dóu lapas se n'en destrìo d'abord qu'a pas li fueio basalo en vióuloun, e pièi qu'a li valvo quàsi tant larjo que longo, courtamen dentado em'uno soulamen que fai de calouseta un pau grando. Es uno meno mens courènto que la subsp. pulcher ; s'atrobo pas dins tóuti li relarg. Coumpara emé la subsp. pulcher.

Usanço :
Soun li mémis usanço que la subsp. pulcher.